Categories
Uncategorized

Receta de Galletas de aguacate

¿Quieres conocer otras formas de utilizar el aguacate? No solo lo puedes consumir en un rico y fresco guacamole, sino que además puedes utilizar la grasa de esta fruta y reemplazarla por la manteca para hacer unas crocantes y deliciosas galletas. En esta oportunidad, junto a RecetasGratis, te enseñamos a realizarlas dulces. Sin embargo, si eres amante de lo salado o quieres probar otra versión, puedes hacerlas saladas. Encuentra a lo largo de la receta los consejos para modificarla a tu gusto. Al final también encontrarás información nutricional y variedad de opciones para completar estas galletas.

Categories
Uncategorized

Х.НЯМБААТАР: ЗАМЫН-ҮҮДЭД АЖИЛЛАЖ БАЙГАА 7000 ЖОЛООЧИЙН ОРОНД 200 МЭРГЭШСЭН ЖОЛООЧ АХЛАГЧ НАР ТЭЭВЭР ХИЙНЭ…

УИХ дахь МАН-ын бүлгээс өнөөдөр /2022. 01.10/ мэдээлэл хийлээ.

МАН-ын бүлгийн дарга Д.Тогтохсүрэн “Холбооны эрх зүйн байдлын тухай хуулийн шинэчилсэн найруулгын төсөл болон Сангийн эрх зүйн байдлын тухай хуулийн шинэчилсэн найруулгын төсөл хоёрыг намын бүлгийн хурлаар хэлэлцэж, дэмжлээ. 

Өнөөдрийн бүлгийн хуралд МАН-ын дарга, Ерөнхий сайд Л.Оюун-Эрдэнэ оролцож, мэдээлэл хийсэн. 

Нэгдүгээрт, хоёр хөрш болон Казахстан улсын нөхцөл байдлын талаар мэдээлэл хийсэн. Тус улсад байгаа манай улсын иргэдийн эрх ашиг зөрчигдөж буй эсэхийг анхаарахыг Консулын газарт даалгасан. 

Хоёрдугаарт улс орны дотоод нөхцөл байдлын талаар мэдээлэл хийлээ. Сүүлийн үед үнийн өсөлт нэмэгдэж байна. Тиймээс энэ тал дээр анхаарч ажиллах шаардлагатай байна гэж Засгийн газар үзэж байгаа. 

Тэтгэвэр тэтгэмжийг нэмэгдүүлэх тал дээр анхаарал хандуулах хэрэгтэй байгаа учир Засгийг газар судалгаа тооцоо хийж байна. Мөн хил гааль дээр анхаарч, бараа бүтээгдэхүүний хомсдол үүсгэхгүй байх тал дээр анхаарах чиглэлээр ярилцлаа” гэв. 

Энэ үеэр Хуульзүйн сайд Х.Нямбаатар “Өнөөдөр БНХАУ-ын Эрээн хотын гаалын хашаанд Тянжин болон бусад газруудаас ирсэн манайх руу импортлогдох гэж байгаа бараа, чингэлэг төвлөрч байгаа. 
Эрээний хашаанаас “Сино транс” ХХК хятад дотроо тээвэрлэлт хийх эрхээ авсан юм билээ. 

“Сино транс” ХХК тэндээс 0 цэг дээр авчирч өгнө. Үүнээс цаашаагаа манай 7000 орчим жолооч татаж авъя гэж байгаа. Гэхдээ хятадын тал нэг зүйл хэлж байгаа. Танайх бүх жолооч нараа халдвар хамгааллын дэглэм сахиулж чадвал бид 0 цэг дээр барааг чинь авчирч өгье гэж байгаа. 

Гэтэл энэ ямар ч боломжгүй. Сая Эрээний хил дээр олон монгол жолооч цаашаа ковид тараасан гээд тээвэрлэлт хүндэрч байгаа. Тиймээс Засгийн газраас 0 цэгээс цаашаа үнэ төлбөргүй төрийн тусгай чиг үүрэг гүйцэтгэж байгаа байгууллагуудын жолооч тусгай албан хаагчид эндээс очиж чингэлэг тээврийг дамжуулж ачаад Замын-Үүд хотод очиж буулгая.

 Замын-Үүдээс Улаанбаатар хотруугаа 7000 жолооч үнэ ханшаараа уралдаад тээврээ зөөцгөө. Энэ ажил маргаашнаас эхэлнэ. Өөрөөр хэлбэл, бид 7000 хүний халдвар хамгааллын дэглэмийг сахиулж чадахгүйгээс хойш  өөрсдөө 200 хүнийг хоёр ээлжээр зуу, зуугаар нь 14 хоногт ажиллуулахаар төлөвлөж байна. 

100 цэрэг биш. Энд цагдаа, хилийн цэрэг, онцгой байдлын ахлахаас дээш цолтой мэргэжлийн жолооч нарыг сая ярьсан зохион байгуулалтанд оруулж ажиллуулна” гэлээ.

Categories
Uncategorized

Топ Д.Болормаагийн эсэргүүцлийг давсан адтай бэр

Монголын загварын ертөнцийн акул топ модель Д.Болормаа аминаасаа ч илүү хайрладаг ганц хүүтэй.

Цуутай бүсгүйн гэр бүлд хүсэн, хүлээн байж аз жаргал, баяр хөөр дагуулсаар мэндэлсэн болохоор анхны нуган хүүгээ Анхбаяр гэж нэрлэсэн гэдэг.

Хэсэг хугацаанд хэрэг төвөгт орооцолдож ээжийнхээ чихийг халууцуулаад байсан Б.Анхбаяр нь заяаныхаа ханийг олж, топ бүсгүйг залуугаар нь эмээ болгож байсан цаг.

Түүний хайрыг булаасан охиныг Даваахүү гэдэг бөгөөд дуучин Д.Болдын “Чи надад дурлаасай” дууны клипэнд тоглосон гэдгээр нь уншигчид илүүтэй танина.

Хосуудыг анх үерхэж байх үед топ хатагтай Д.Болормаагаас эхлээд Даваахүүгийн эцэг эх ч тэдний харилцааг эсэргүүцэж байсан гэдэг.

Гэсэн ч тэд зарчимч ээжийн эсэргүүцлийг давж тоонот гэрт толгой холбон ийнхүү жаргалтай явна.

Categories
Uncategorized

Зургаагаас дээш хүүхэдтэй өрхийн байрны урьдчилгааг ТӨР ДААНА

УИХ энэ сарын 6-нд  Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай УИХ-ын тогтоолын  төслийг хэлэлцэх эсэх асуудлыг хэлэлцсэн. Улмаар  тогтоолын төслийг эцсийн хэлэлцүүлэгт бэлтгүүлэхээр Нийгмийн бодлогын байнгын хороонд шилжүүлээд буй.

Тэгвэл уг тогтоолоор Монгол хүний удмын сангийн аюулгүй байдал болон нөхөн үржихүйг хамгаалах, хүн ам зүй, гэр бүлийн хөгжлийг дэмжих замаар Монгол хүний оюуны чадавх, бүтээмж, өрсөлдөх чадвар, хүн амын өсөлт, үндэстний дархлааг бэхжүүлэх зорилгоор дараах арга хэмжээг авч хэрэгжүүлэхийг Монгол Улсын Засгийн газарт даалгасан байна.

Уг тогтоолын төсөлд 6 болон түүнээс дээш хүүхэдтэй гэр бүлийг нэг удаад орон сууц худалдан авах урьдчилгаа төлбөрт нь төрөөс  дэмжлэг үзүүлэх талаар тусгажээ. 

Төслийн онцлох заалтууд
 

  •  Монгол хүний удмын санг цус ойртолтоос сэргийлж, цэвэр тунгалаг байлгах гол хэрэглүүр “Угийн бичиг”-ийг өрх айл бүрд шинжлэх ухааны үндэстэй, зөв аргаар хөтлүүлэн хэвшүүлэх хөтөлбөр боловсруулж, хэрэгжилтийг хангах,
     
  • Монгол Улсын хүн ам зүйн бодлогын хэрэгжилтийг хангах, удирдан зохион байгуулах, зохицуулах, хяналт тавих үүрэг бүхий төрийн бүтцийг бий болгох шийдвэрийг 2021 онд багтаан гаргаж, хэрэгжүүлэх,
     
  • Монгол Улсын нийгэм, эдийн засгийн тогтолцоо, засаг захиргаа, нутаг дэвсгэрийн зохион байгуулалт, хүн амын боловсрол, мэргэжил, ажиллах хүчний нөөц, суурьшлын нягтралтай уялдсан, төвлөрлийн эсрэг дотоод шилжилт хөдөлгөөнийг тэтгэх бодлого боловсруулан хэрэгжүүлэх,
     
  • Гадаад улсад ажиллаж, амьдарч буй иргэдээ эх орондоо ирэх таатай орчин нөхцөлийг бүрдүүлэх, тэдний эзэмшсэн мэдлэг, чадварыг улсын хөгжилд бүрэн дүүрэн ашиглах бодлого боловсруулан хэрэгжүүлэх,

Монгол Улсын хүн амын өсөлт, нөхөн үржихүй, гэр бүлийн тогтвортой хөгжлийг дэмжих төрийн бодлогыг оновчтой бэхжүүлэх үүднээс
 

  • Эхийг жирэмсэн болсон цагаас нь эхлэн сэтгэл зүйн болон, шаардлагатай эмчилгээ, сувилгаанд бүрэн хамрагдаж, эмнэлгийн онцгой хяналтан дор эсэн мэнд амаржих, амаржсаны дараа асаргаа сувилгаанд 7-14 хоног Эрүүл мэндийн даатгалаараа сувилуулах эрхтэй байх төр хувийн хэвшлийн хамтарсан тогтолцоо бүрдүүлэх,
     
  • 6 болон түүнээс дээш хүүхэд төрүүлсэн гэр бүлийг нэг удаад орон сууц худалдан авах урьдчилгаа төлбөрт нь төрөөс  дэмжлэг үзүүлдэг байх эрх зүйн орчинг бүрдүүлэх,
     
  • Архидан согтууралт, мансуурахтай тэмцэх үр дүнтэй арга замыг тодорхойлж, холбогдох төрийн бүтэц, тогтолцоог бэхжүүлэн, түүнтэй тэмцэх, урьдчилан сэргийлэх ажлыг эрчимжүүлэх арга хэмжээ авах.
Categories
Uncategorized

Саудын Арабын гүнж гурван жилийн дараа чанга дэглэмтэй хорихоос суллагджээ

Саудын Арабын гүнж охины хамт гурван жил орчим хоригдсоны эцэст чанга дэглэмтэй шоронгоос суллагдсан талаар эх сурвалж мэдээлжээ.

Саудын Арабын гүнж Басма бинт Сауд 2019 оны гуравдугаар сард Швейцарь улс руу нисэх үедээ онгоцны буудлаас үл мэдэгдэх шалтгаанаар саатуулагдсан юм.

Тэрбээр хүчирхийллийг эсэргүүцэж, үзэл бодлоо тууштай илэрхийлэн тэмцсээр ирсэн нь хоригдох шалтгаан болсон хэмээн гэр бүлийнхэн нь таамаглаж буй аж.

Өдгөө 57 настай гүнж Басма гурван жил гаруй хугацаанд чанга дэглэмтэй хорихд хоригдсоны дараа ийн суллагдаж байгаа юм.

Гүнж Басма нь Саудын Арабыг 1953-1964 оны хооронд захирч байсан Саудын хааны бага охин юм.Энэ мэдээнд өгөх таны үнэлгээ

Саудын Арабын гүнж охины хамт гурван жил орчим хоригдсоны эцэст чанга дэглэмтэй шоронгоос суллагдсан талаар эх сурвалж мэдээлжээ.

Саудын Арабын гүнж Басма бинт Сауд 2019 оны гуравдугаар сард Швейцарь улс руу нисэх үедээ онгоцны буудлаас үл мэдэгдэх шалтгаанаар саатуулагдсан юм.

Тэрбээр хүчирхийллийг эсэргүүцэж, үзэл бодлоо тууштай илэрхийлэн тэмцсээр ирсэн нь хоригдох шалтгаан болсон хэмээн гэр бүлийнхэн нь таамаглаж буй аж.

Өдгөө 57 настай гүнж Басма гурван жил гаруй хугацаанд чанга дэглэмтэй хорихд хоригдсоны дараа ийн суллагдаж байгаа юм.

Гүнж Басма нь Саудын Арабыг 1953-1964 оны хооронд захирч байсан Саудын хааны бага охин юм.Энэ мэдээнд өгөх таны үнэлгээ

Categories
Uncategorized

С.СОЁЛМАА: ТЭВЧЭЭРТЭЙ БАЙДАЛ ГЭДЭГ МОНГОЛЧУУДЫН ДЭНДҮҮ ҮНЭТЭЙ ЧАНАР БАЙЖ МАГАДГҮЙ

ШУА-ийн Философийн хүрээлэнгийн эрдэм шинжилгээний ахлах ажилтан, философийн ухааны доктор С.Соёлмаатай ярилцлаа.


-Хүнийг хүнлэг байлгахад философичид чухал үүрэгтэй гэдэг шүү дээ. Монголчууд 1990-ээд онд л “Хүмүүнлэг, иргэний, ардчилсан нийгэм байгуулахаа Үндсэн хуульдаа тунхагласан. Гэхдээ хүмүүнлэг нийгэм гэж юуг хэлж байгаа талаар тухайн үед иргэд нь ойлголтгүй л байсан болов уу. Харин та философичийн хувьд юу гэж тайлбарлах вэ?

-Үнэхээр тийм л дээ. 1990 онд Монгол Улс хүмүүнлэг иргэний ардчилсан нийгэм байгуулна гэсэн ч хүмүүнлэг нийгэм гэдгээ хүн болгон ойлгосон уу гэдэг чухал юм л даа.

Өнөөдөр ч бид нийгмийн нэгдсэн үнэт зүйлийн тухай ярьж байгаа тохиолдолд хүмүүнлэг гэдэг нь яг юу гэсэн утгатай юм бэ гэдэг асуудал гарч ирж байгаа юм. Жишээлбэл, философийн түүхэнд хүмүүнлэг гэдэг утга эртний Ром, Грекийн үеэс өөрчлөгдсөөр ирсэн. Грекчүүд хүмүүнлэг гэдгийг ёс суртахуунтай холбож ойлгож байж. Хүнлэг байх гэдэг нь нинжин сэтгэл, хүнийг хайрлах гэсэн шууд утгатай байжээ. Сэргэн мандалтын үеэс хүмүүнлэг гэдэг утга нь танин мэдэхүйн чадвартай холбогдох болсон. Хүний оюун ухаанаараа таньж мэдсэн бүхэн үнэн юм гэдэг итгэл үнэмшил Европт XVII зуунаас байсан. Монголд Буддын шашин бий болсон цагаас шашны утгаар хүмүүнлэг гэдэг утга нь хөгжиж ирсэн. Яг иргэний утгаар хожуу үед хөгжсөн болов уу. Өнөөдөр хүмүүнлэг гэдэг утга хүний эрхтэй шууд холбоотой болсон. Хүний эрхийг дээдэлсэн нийгмийг хүмүүнлэг нийгэм гэж ойлгох хэрэгтэй.

-Манай нийгэм хүмүүнлэг байж чадаж байна уу?

-Би судлаачийн ажлын зэрэгцээ их сургуульд багшилдаг л даа. Оюутнуудаа философийн олимпиадад бэлтгэдэг юм. Манай оюутнууд маш гоё санаа гаргаж ирсэн. Бид өнөөдөр Хүрээлэн буй орчны философи, Тогтвортой хөгжлийн тухай ярьдаг. Хүмүүс хүрээлэн байгаа орчноо л сайхан байлгачихвал болчих юм шиг ойлгодог. Тогтвортой нийгэм, хүрээлэн буй орчин гэдэг нь гурван талтай. Нэгдүгээрт, хүн хүрээлэн буй орчиндоо ээлтэй байх. Хүний зүгээс байгаль орчиндоо ээлтэй байх гэдэг нэг ойлголт бий. Нөгөө талаас байгаль, хүрээлэн буй орчин нь хүндээ ээлтэй байх тухай асуудал юм. Хүний эрүүл, аюулгүй орчинд амьдрах эрхийг хангасан байх учиртай. Хоёрдугаарт, Монголд ирж байгаа зочид болон бусдад ээлтэй байх чухал. Гурван ийм цогц ойлголт нийлж байж хүмүүнлэг, тогтвортой хөгжил бий болно. Тогтвортой гэхээр хөгжихгүй байх, зогсонги байдал гэж ойлгох нь бий. Тогтвортой хувцас загвар гэхэд хуучин хувцсаа шинэ загвартай болгож өмсөхийг хэлэх жишээтэй. Тогтвортой нийгэм гэхээр хуучин үнэ цэнээ шинэ амьдралын хэв маягт тохируулж дахин сэргээх тухай ойлголт юм.

-Та Австралид уламжлалаа хадгалахын зэрэгцээ, орчин үеийн хүмүүнлэг ардчилсан нийгэм байгуулж байгааг нь судалсан гэсэн шүү дээ. Монголчуудын хувьд уламжлал, шинэчлэлээ хэрхэн хослуулах вэ?

-Энд л философичдоо сонсох хэрэгцээ шаардлага тулгарч байгаа юм. Тухайлбал, Японыг уламжлал, шинэчлэлийг хослуулж хөгжиж чадсан улс гэж үздэг. Жирийн иргэнтэй нь харилцахад япон хүний үнэт зүйл нь харагдаж байдаг шүү дээ. СУИС-ийн Соёл судлалын хүрээлэнтэй хамтраад монголчуудын үнэт зүйлийн талаар судалсан юм. Шинжээчид, судлаачид жирийн хүмүүстэй ярилцсан.

Бусад үндэстний эмэгтэйчүүдээс монгол эмэгтэй хүн юугаараа ялгаатай гэж боддог вэ гэж асуусан. Монгол эр хүний үнэ цэнэ нь яг юунд байдаг вэ, яагаад бид монгол үндэстнийг энэ хорвоо ертөнцөд байлгах гээд байгаа юм бэ гэдэг цаад философиийн асуултыг тавьсан. Сонирхолтой хариултыг хүмүүс өгч байсан л даа. Гүндүүгүй, олон таван үггүй, шударга, алсын хараатай байх нь монгол эр хүний гол шинж гэж хариулж байсан. Монгол эмэгтэй хүний шинж гэвэл сайхан сэтгэлтэй, ухаалаг, нинжин сэтгэлтэй, даруу төлөв гэж олон хүн үзэж байсан. Монгол эмэгтэй хүн гадаад төрх гэхээсээ илүү дотоод гоо сайхандаа анхаарал хандуулж байдаг, цуг байхад тайван байдаг гэх мэтээр ярьж байсан. Хүүхдүүдэд монгол хүн ямар байх ёстой талаар сургах хэрэгтэй юм болов уу гэж бодсон л доо.

-Монголчуудыг юу нэгтгэх вэ, үнэт зүйл нь нэгтгэх юм уу. Саяхан философиич С.Молор-Эрдэнэ “монголчуудыг хонь л нэгтгэдэг” гэсэн.

-Юу нэгтгэдэг талаар оюутан байхаасаа л судалгааны сэдвээ сонгосон. Домог гэдгийг хүмүүс зохиомол зүйл гэж боддог шүү дээ. Гэтэл домгийн сэтгэлгээ яагаад монголчуудын үндэсний үзэлд чухал хувь нэмэр оруулсан юм бэ гэхээр домогт аз жаргалын тухай төсөөлөл, мөрөөдөл шингэсэн байдаг. Гэсэрийн тууль бол монголчуудын хувьд домог гэж би хэлнэ. Хүмүүс ярьцгаадаг шүү дээ. “Хэн нэг баатар гарч ирээд, монголчуудыг аварчих юм шиг мухар сүсэгт автаад байна, дарангуйлагч хүсээд байна” гэх мэтээр шүүмжилдэг. Гэтэл яг үнэндээ Чингисийг шүтээд байгаадаа ч гол учир байгаа юм биш. Хэн нэг дарангуйлагчийг хүсээд байгаа ч юм биш. Монголыг аз жаргалтай орон болгох гэсэн бидний өвөг дээдсийн мөрөөдөл монгол үлгэр, домогт эрт дээр үеэсээ нэвт шувт шингэсэн ойлголт юм л даа.

-Та сонирхолтой дүгнэлт хийсэн байна лээ. Гэсэрийн тууль монголчуудын ёс суртахуун, оюун санаанд нөлөөлсөн юм байна гэж ойлгосон?

-Үнэхээр тийм. Гэсэр бол Жур гээд дээд тэнгэр, бурханаас хүний ертөнцөд илгээсэн хүү шүү дээ. Яагаад янз бүрийн мангасуудтай тулалдаад байна гэхээр орчин үеийн хэллэгээр бол архи уух, тамхи татах гэх мэт буруу зуршлуудаа хүн давж туулж чадахгүй байгаагийн илрэл шүү дээ. Архи уух, тамхи татах гэх мэт өдөр тутмын буруу хэвшил ч Гэсэрийн туульд гардаг мангасуудтай л адилхан гэсэн үг. Гэсэрийн тууль бол өрнөдийнхөөр бол наманчлал байдаг. Буруу зүйл хийснээ ухаарах ухаарал тэнд явж байдаг. Сэтгэлийн муу муухай бүхнээ давж туулаад, сайн сайханд хүрч байгаа хүний дотоод сэтгэлийн өрнөл явагдаад байдаг, Гэсэр туульд. Түүнээс биш бодит амьдрал дээр хэн нэгэн баатар эр гарч ирж байгаа юм ерөөсөө биш. Гэсэр тууль бол сэтгэлийн дайны ялалт. Дээр монгол хүний үнэт зүйлийн тухай ярьсан шүү дээ. Ухаалаг, алсын хараатай, холч ухаантай монгол эр хүний идеал буюу загвар байна шүү дээ.

-СУИС-ийнхан монголчуудын үнэт зүйлийн судалгааг хийж, эрдэм шинжилгээний хурлууд зохион байгуулсан. Та нэг хурал дээр нь “Өнөөгийн монголчуудын сайхны тухай үзэлд” гээд илтгэл тавьж байсан даа. “Гоо сайхан ертөнцийг аварна” гэж манайхан эш татдаг. Гэхдээ гоо сайхан гэдгийг хүн өөрийнхөөрөө л ойлгодог байх?

-“Гоо сайхан ертөнцийг аварна” гэдэгтэй би санал нийлдэг. Философи бол үнэн, ахуй, сайн сайхан гэдэг дөрвөн үнэт зүйл дээр эргэлдэж байдаг. Эдгээр нь хүний амьдралын утга учрыг бүрдүүлдэг гол хүчин зүйлс. Сайныг, сайхныг мууг, муухайг юу гэж үзэж байгаагаас шалтгаалаад хүн сонголтоо хийж байдаг. Одоо би сургууль руугаа явах уу, шоудахаар явах уу гэдэг сонголт залууст тулгарна. Ницшегийн хэлснээр сайхан гэдгийг дахин үнэлэх, утга учрыг нь гаргаж ирэх шаардлагатай юм л даа. Яагаад гэвэл энэ суурь үнэлэмж учраас. Урлаг биднийг дагуулж байх ёстой. Социализмын үеийн кинонд сайхан эмэгтэйг хэрхэн харуулж байсан юм. Өнөөдөр сайхан эмэгтэйг яаж харуулж байна вэ? Монгол кинонд эмэгтэй хүнийг их зовлонтой гэдэг төсөөллөөр харуулах нь олонтаа. “Ларьдма” гэдэг кинонд нэг зовсон эмэгтэй явсаар байгаад зовсоор төгсөж байгаа юм. Ердөө ч гэрэл гэгээ байхгүй. Гэтэл яагаад бид монгол кино үзээд урам зориг авч болохгүй гэж.

-Монголчууд юуг сайхан гэж үздэг талаар судалгаа хараахан байхгүй л байх. Гэхдээ сайхны тухай ойлголт үе болгонд өөрчлөгдсөн байлгүй?

-Өөрчлөгдөж л байна. Амьдралаас хол тасархай идеал төдий байж болохгүй л дээ. Сайхны тухай үзэл санаа нь бодит амьдрал дээр, хөрсөн дээрээ яаж бууж байгаа юм гэдэг ажиглалт судалгаа хийх хэрэгтэй. Өнөөдөр социологийн шинжлэх ухаан тоо руу анхаарал хандуулаад байна л даа. Дашрамд хэлэхэд социологийн судалгаа чанарын судалгаа руу, онол руугаа нэвтэрч, философитой нэгдэх хэрэгтэй гэж боддог. Тэгж байж утга санаа руу нь гүн нэвчиж чадна. Сэтгэгдэл төдий юм хүнээс асуучихаад болдог байж таарахгүй. Философичид бол утга санааг судалдаг л даа. Бодитой юмыг л олж харах хэрэгтэй дээ.

-Хүрээлэн буй орчны философи гэж яриад байна. Монголчууд эртнээсээ л байгальдаа зохицож амьдардаг уламжлалтай ард түмэн. Орчин үед ямархуу хандлагатай болж байна вэ?

-Яагаад хүрээлэн буй орчны философи гэж ярих хэрэгтэй гэхээр хүрээлэн буй орчны ёс зүй нь тогтвортой байдал, хүмүүнлэг гэдэг утгатай холбоотой гэсэн шүү дээ. Хүн, байгаль хоёрын харилцаа орвонгоороо эргэж, байгалиа нэвт шувт ашиглангуутаа хүнээ мартчихдаг, хүнээ анхаарч байна гэхдээ байгалиа орхигдуулдаг дутагдал яваад байна. Өнөөдөр Монголд хүнээ боддог нийгэм байна уу гэхээр тийм биш байна. Явган хүний зам нь гэхэд л стандарт бус, халтиргаатай. Нийслэлчүүд утаан дунд амьдарч байна шүү дээ. Хүнлэг бус зэрлэг нийгэмд л амьдраад байна. Хүнлэг нийгэм гэдгээ хүрээлэн буй орчны философитойгоо илүү их холбож ойлгомоор. Орчныг нь бүрдүүлсний дараа оюун санааны нэгдлийн тухай яривал зүгээр санагдаж байна. Утаан дундаа ямар философи, ёс зүй ярих билээ. Анхдагч хэрэгцээгээ хангаж чадахгүй байж, хоёрдугаар хэрэгцээ үнэлэмж, үнэт зүйлийн талаар ярих хэцүү.

-Би хэн юм бэ гэдэг асуултыг хүн өөртөө тавих үе ирдэг л дээ. Хамгийн энгийн юм шиг мөртлөө хэцүү асуулт. Зүгээр л Янжмаа, Соёлмаа гээд хариулчих бус философиийн том асуудал шиг байгаа юм.

-Би номондоо философи бол би хэн юм бэ гэдэг асуултад хариулах үйл явц юм гэж бичсэн байгаа. Би хэн бэ гэдгээ тодорхойлонгуутаа урагшаа алхах тухай ярьж байгаа юм биш. Үхнэ гэдгээ бодож амьдрах тухай Сократ хэлсэн байдаг. Яагаад би амьдраад байгаа юм бэ, хэн байх ёстой юм бэ гэдэг зорилгоо тодорхойлоод урагшлах тухай л яриад байгаа юм. Нийгмийн зан үйлийн түвшинд ярья л даа. Бид өнөөдөр төрөгсдөө хэрхэн угтаж авч байна. Үхэгсдээ хэрхэн үдэж байна гэдгээс монгол хүн гэж хэн бэ гэдэг асуулт ургаж гарна. Үхэл, амьдралыг хүн ер нь юу гэж ойлгодог юм бэ гэдгээс бидний өдөр тутмын амьдрал, баяр ёслол хүртэл хамаарч байгаа юм.

Бид ямар баярыг тэмдэглэдэг вэ? Цагаан сар гэдэг ямар утгатай баяр вэ. Яагаад бид шинэ жилийн баярыг тэмдэглэдэг вэ? Утгаа эхлээд сайн ойлгож байж, ямар зан үйл хийх, яаж тэмдэглэх тухай ярина шүү дээ. Түүнээс биш хүмүүс өнөөдөр салат, бууз хийгээд байна. Би ч бас тэгэх л ёстой гэдэг утгаар биш. Би бас өнөөдрийн зан үйлийг судлах гэж байгаа юм. Өгүүлэл бичихээр Орос руу санал дэвшүүлсэн, хүлээж авсан. Орчин үеийн баяр ёслол хийх зан үйл, оршуулгын зан үйл, шинэ төрж байгаа хүүхдийг угтах зан үйл, монголчуудын уламжлал ямар байсан юм, орчин үед ямар байгаа, ирээдүйд ямар байвал зүгээр юм гэдэг талаар эргэцүүлсэн өгүүлэл бичиж байгаа л даа.

-Монголчуудын голчлон тэмдэглэдэг баяр гэхээр шинэ жил, цагаан сар шүү дээ. Монголчууд өрнө, дорныг хослуулсан, олон талтай улс гэх юмуу даа?

-“Тогтвортой хөгжлийн оюун санааны үндэс” гээд суурь судалгаан дээрээ би олон соёлт нийгэм дэх хүний хөгжлийн асуудал гэж бичсэн юм. Монгол олон соёлт онцлог нийгэм юм л даа. Монголд эрт үеэсээ олон соёлт нийгэм зонхилж байсан. Тэвчээртэй байдал гэдэгт суралцсан ард түмэн юм болов уу. Тэр онцлогоо цаашдаа ч авч явах ёстой. Соёл гэдэг нээлттэй тогтолцоо.

-Шашны хувьд ч манайхан нээлттэй хүмүүс шүү дээ?

-Тэр бол монгол үндэстний бусдаас ялгарах нэг онцлог байж болох юм. Бусдын итгэл үнэмшилд хүлээцтэй ханддаг. Тэвчээртэй байдал гэдэг монголчуудын дэндүү үнэтэй чанар байж магадгүй.

Categories
Uncategorized

Ипотекийн зээл хойшлуулах хүсэлтийг энэ сарын 15 хүртэл хүлээж авна

Цар тахлын хуулийг зургаан сараар сунгасан. Энэ хүрээнд  төрөөс хэрэгжүүлж буй орон сууцны ипотекийн хөнгөлөлттэй хүүтэй зээлийн үндсэн болон хүүгийн төлбөрийг Монголбанкнаас холбогдох байгууллагуудтай хамтран дахин зургаан сарын хугацаагаар буюу 2022 оны зургадугаар сарын 30-ны өдрийг дуустал хүү хуримтлуулж тооцохгүй нөхцөлөөр хойшлуулахаар шийдвэрлэв.

Энэхүү шийдвэрийн дагуу зээлдэгчдийн гаргасан хүсэлтийг үндэслэн ипотекийн зээлийн төлбөрөө хойшлуулах боловч зээлдэгч төлбөр хойшлуулах хүсэлт гаргалгүйгээр зээлийн төлбөрөө төлөх нь зээл хугацаандаа дуусах, ирээдүйн зээлийн дарамт буурах зэрэг эерэг талтай юм.

Тус арга хэмжээний хүрээнд:

  1. Төрөөс хэрэгжүүлж буй орон сууцны ипотекийн хөнгөлөлттэй зээлийн төлбөрөө 2021 оныг дуустал хойшлуулсан зээлдэгч нарын төлбөрийг нэмэлт хүсэлт гаргах шаардлагагүйгээр үргэлжлүүлэн хуулийн хугацаатай уялдуулан сунгах;
  2. Харин ипотекийн хөтөлбөрийн зээлийн төлбөрөө хойшлуулах хүсэлт шинээр гаргах зээлдэгч нарын хувьд хүсэлт гаргасан өдрөөс хойш 2022 оны  зургадугаар сарын 30-ны өдрийг дуустал хүү хуримтлуулж тооцохгүй нөхцөлөөр хойшлуулах юм.

Зээлийн төлбөрөө хойшлуулах хүсэлт шинээр гаргах иргэд хүсэлтээ 2022 оны нэгдүгээр сарын 15-ны өдрийн дотор харилцагч банканд өөрийн боломжит цахим хэлбэр (банкны цахим хуудас, и-мэйл, ухаалаг гар утасны банкны апликэйшн, утас зэрэг)-ээр эсхүл банкинд очин гаргаж, төлбөрөө хойшлуулах боломжтой.