- Сурталчилгаа -
-1 C
Ulaanbaatar
Нүүр хуудас Дотоод мэдээ "Сургуульдаа хичээллэж байгаадаа маш их баяртай байна"

“Сургуульдаа хичээллэж байгаадаа маш их баяртай байна”

- Сурталчилгаа -
"Сургуульдаа хичээллэж байгаадаа маш их баяртай байна"

Дэлхий нийтийг хамарсан цар тахлаас хамааран хичээл сургалтын үйл ажиллагааг түр хугацаанд зогсоогоод байсан билээ. Үүний улмаас жил бүр уламжлал болгон хийдэг хичээлийн шинэ жилийн нээлт сургалтын өөр хэв маягт шилжиж, сурагчид болоод багш нар өндөржүүлсэн онцгой үеийн бэлэн байдлын дүрмийг чанд сахиж буйгаараа онцлог. 2020-2021 оны хичээлийн жилд улсын хэмжээнд нийт 820-н ерөнхий боловсролын сургуульд 640449 сурагч суралцах тоон мэдээг статистикийн хороо гаргасан байна. Тэдний төлөөлөл болсон Улсын тэргүүний нэгдүгээр сургуулийн сурагчидтай бид уулзаж, хичээлийн жил эхэлж, танхимаар сургалт орж эхэлсэн учраас сурагчдын сэтгэгдлийг сонслоо.  


8б ангийн сурагч Д.ЯЛГУУН:

-Хөл хорио тогтоосон олон сарын хугацаанд миний хувьд өөрийгөө хөгжүүлэхэд маш сайн анхаарсан. Теле хичээлээ хийхээс гадна, цахимаар 7, 8-н дугуйланд хамрагдаж, гадаад хэлнийхээ мэдлэгийг ч нэмэгдүүлсэн давуу талтай. Миний хувьд танхимын сургалтаас илүү онлайнаар суралцах нь давуу санагдаж байна. Жишээлбэл, би онлайнаар Франц хэлний сургалтад хамрагдсан. Мөн нэхмэлийн сургалтад сууж, хоёр дүүдээ хөөрхөн хувцас оёж өгсөн. Өнөөдөр хичээл орох анхны өдөр, бас ангийнхантайгаа уулзаагүй удсан учраас сэтгэгдэл сайхан байна. Энэ хичээлийн жилд би бүх хичээлээ онц болгож, гадаад хэл сайн сурах зорилго тавьсан байгаа.


Улсын тэргүүний нэгдүгээр сургуулийн 1б ангийн сурагч Б.НАРАНГАРАВ:

-Энэ жил сургуульд элсэн орж байгаадаа маш их баяртай байна. Хичээлээ сайн хийж, эрдэм мэдлэгтэй сайн хүн болно гэж бодож байгаа. Бас олон найзтай болохыг хүсч байна. Коронавирус гарснаас хойш гэртээ байсан. Мөн балетийн сургалтад хамрагдсан. Ирээдүйд балетын мундаг бүжигчин болно.


8г бүлгийн сурагч С.ЭНХБИЛЭГ:

-Дэлхийд олон хүний эрүүл мэндэд нөлөөлдөг халдварт өвчин гарснаас хойш бид нар сургуульдаа яваагүй. Гэхдээ энэ хугацаанд өмнө үзэж, судалсан хичээлээ мартахгүйн тулд тогтмол давтаж, теле хичээл гарч байх хугацаанд хичээлээ сайн хийсэн. Ангийн хүүхдүүдтэйгээ уулзаж, багш нартайгаа дахин уулзаж байгаадаа сэтгэгдэл өндөр байна. Надад танхимын хичээл илүү үр дүнтэй санагдсан учир багш нарынхаа өгсөн зааврын дагуу ширээ бүрт нэгээрээ сууж, маскаа зүүгээд хичээлээ сайн сурна гэж бодож байгаа.


1- р ангийн сурагч П.ДӨЛГӨӨНПҮРЭВ:

-Би энэ жил нэгдүгээр ангид элсэн орж байгаа. Хичээлдээ сууж үзэх гэж байгаадаа сэтгэгдэл сайхан байна. Ээж маань намайг “Онц сурна аа миний хүү” гэж байнга хэлдэг. Би цэцэрлэгтээ зураг зурж, будаж сурсан. Том болоод өндөр, гоё гоё олон барилгыг барина гэж боддог.


6д ангийн сурагч Т.ЦОЛМОН:

-Сургуульдаа ирж, хичээлийн шинэ жилээр найзуудтайгаа уулзаж, танхимын хичээлд суух гэж байгаадаа маш их баяртай байна. Энэ зун би өөрийгөө хөгжүүлж, математикийн хичээлээ гүнзгийрүүлэн судалж, зусланд амраад өөрийнхөө хувьд үр бүтээлтэй амарсан. Дунд ангид элсэн орж байгаа учраас шалгалтад сайн бэлдэж, хичээл номоо сайн сурах ёстойг гэрийнхэн минь хэлж байгаа. Тиймээс би энэ жил хичээлдээ шамдаж, зураг зурах сонирхлоо хөгжүүлнэ гэж өөртөө амласан.

- Сурталчилгаа -
- Сурталчилгаа -

Сошиал суваг

35,477FansLike
2,458FollowersFollow
61,453SubscribersSubscribe

ТРЭНД МЭДЭЭ

Богино хугацаанд ҮР ДҮНТЭЙ суралцахад тань туслах аргууд

Бид хичээлээ хийж байна гээд маш олон цагаар суугаад л байдаг, суугаад л байдаг. Гэвч хичээл хийх үедээ идэвхтэй байж чадвал маш богино хугацаанд...
- Сурталчилгаа -

Англи хэл сурахад зориулсан дууны 5 апп

Тухайн сурах гэж буй хэлээрээ дуу сонссоноор чихний бөглөө тайлагддаг бөгөөд дагаж дуулснаар аялага сайжирдаг билээ. Англи хэл сурч буй танд утсан дээр тань...

Ирэх сарын 16, 26-нд БҮХ НИЙТЭЭР АМАРНА

Энэ жил монголчууд бүх нийтээр амрах (УИХ-ын болон НИТХ-ын сонгууль) болон тэмдэглэлт баярын өдрүүд нийт 17 байгаа бол түүний 14 нь ажлын өдөр таарч байна. Ирэх сард...

iPhone 12: Илүү шинэлэг, илүү олон сонголттой

Өнгөрсөн шөнө “Apple” компани удаан хүлээгдсэн “iPhone 12” утасны загваруудаа болон гэр бүлийн хэрэгцээнд төгс нийцэх “Home Pod” бүтээгдэхүүнийг тус тус танилцууллаа. “Apple” компанийн...

Төстэй мэдээлэл

Богино хугацаанд ҮР ДҮНТЭЙ суралцахад тань туслах аргууд

Бид хичээлээ хийж байна гээд маш олон цагаар суугаад л байдаг, суугаад л байдаг. Гэвч хичээл хийх үедээ идэвхтэй байж чадвал маш богино хугацаанд...

Англи хэл сурахад зориулсан дууны 5 апп

Тухайн сурах гэж буй хэлээрээ дуу сонссоноор чихний бөглөө тайлагддаг бөгөөд дагаж дуулснаар аялага сайжирдаг билээ. Англи хэл сурч буй танд утсан дээр тань...

Ирэх сарын 16, 26-нд БҮХ НИЙТЭЭР АМАРНА

Энэ жил монголчууд бүх нийтээр амрах (УИХ-ын болон НИТХ-ын сонгууль) болон тэмдэглэлт баярын өдрүүд нийт 17 байгаа бол түүний 14 нь ажлын өдөр таарч байна. Ирэх сард...

iPhone 12: Илүү шинэлэг, илүү олон сонголттой

Өнгөрсөн шөнө “Apple” компани удаан хүлээгдсэн “iPhone 12” утасны загваруудаа болон гэр бүлийн хэрэгцээнд төгс нийцэх “Home Pod” бүтээгдэхүүнийг тус тус танилцууллаа. “Apple” компанийн...

Өмнөд Солонгост томуугийн вакцин хийлгэсэн 13 хүн нас баржээ

Өмнөд Солонгос даяар улирлын ханиад томууны эсрэг вакцинжуулалтын аян үргэлжилж байна. Гэвч томуугийн эсрэг вакцин хийлгэсэн олон хүн нас барсан нь Өмнөд Солонгосын нийгмийг...

LEAVE A REPLY

Please enter your comment!
Please enter your name here